Busturialdeko Hitza

Udal ordezkariek osatzen duzuen Osoko Bilkurara zuzentzen gara idatzi honen bidez. Astra proiektuak martxan jarraitu dezan beste bizileku baten bila aritu gara azken hilabeteetan. Proposamen bat ere badago mahai gainean Pasilekuan kokatzea Astra proiektua.

Gertakari ugari jaso dira proposamen hau mahai gainean jarri zenetik. Batetik, XX. Mende hasieratik Pasilekuko bi eraikinak Hezkuntza Sailari lagata daude, nahiz jabetza munizipala izan.

Bestetik Hezkuntza Sailak bulego batzuk tokiz aldatzeko beharrarekin aurkitu da. Zein da ondorioa, Pasilekua Hezkuntza sailari lagata dagoenez bulego hauek bertan kokatzea planteatzen ari dira.

Bi gatazka sortzen dizkigu guri egoera honek:
- batetik Astratik uste dugu garaia iritsi dela Pasilekua berriro espazio munizipal eta publikoa izateko. Pasilekua Gernikentzako!!!

- bestetik, Pasilekua herriarentzako izaki, bertan kokatu beharreko zerbitzuak edo eskaintza herritarrentzako interes publikoa izan behar du, eta sentitzen dugu baina guretzat bulegoek ez dute helburu hori betetzen. Bulegoak izango lirateke eta ez herriarentzat espazioa.

Horregatik Udal ordezkaritza duzuen alderdi politikoei eskatzen dizuegu Pasilekua Gernikentzako izan dadin urratsak eman ditzazuela eta Hezkuntzari espazio duin bat eskaini.

Hauxe da onartu beharreko puntua:

1. Gernika-Lumoko udal ordezkari naizen honek Pasealekuko eskolak udal jabetzara bueltatzearen alde egiten dut, Pasilekua Gernikentzako.

2. Pasilekuan herritarrentzako interes publikoa duten proiektuak kokatzeko urratsak emango direla, era iraunkorrean liburutegia eta denbora tarte baten (eraikina eraberritu arte) Astra proiektua. Beharrezkoa izango da batetik Jaurlaritzari Pasilekuko desafekzio eskaria egitea eta horrela Pasilekua Gernikentzako izan dadila lortzea eta bestetik Hezkuntza sailari bulegoak eskaintzea, azpiegituretan inbertsioak eginez.